The BASE (已結業)

是日放假，捉住暑假尾巴同小魔童出街揾食。今次来到近年餐厅临立既观塘工业大厦，丰利中心5楼既 The Base。呢间Cafe 都几出名，朋友食过都话得，值得推介，于是带小魔童来食下，顺便去隔离既apm行下街。呢道环境好舒服，实木枱櫈加上冷色调既cushion同梳化，感觉好和谐，心情可以好好放松一下。室外仲有露天座位，不过当日有落雨所以还是乖乖留在室内了。入座后职员会准备一樽放有叶子的水。第一道菜：炸鸡翼珍宝珠酿松露虾肉配蛋黄酱，呢个成粒珍宝珠咁既其实系用大size鸡翼酿虾肉，再加上混合黑松露酱的蛋黄酱，滋味无穷。小魔童见个样咁过瘾，又好食，边食边流露住满足既笑容。芝士焗蕃茄莎莎大啡菇，味道香浓有层次，加上火箭菜略略点叙，带来味觉刺激，亦有开胃作用。到今日既重头戏，烧原只鱿鱼酿墨鱼汁意大利饭。刚上碟时，上面的木鱼碎被热力蒸到郁下郁下，好吸小魔童眼球。呢个由原只鱿鱼包住既饭，原来内有玄机，入面既墨汁意大利饭原来系用紫菜包成饭卷，切件，咁食起上来就方便好多喇，真系好有心思。仲有，呢个饭既味道系真系一流，朋友就系冇介绍错，值得推介。