Marco's Oyster Bar & Grill (已搬遷) 新店位置

今日同男友去佐敦听报告，听完报告顺便系附近食埋lunch先返屋企。经过Marco’s Oyster Bar & Grill门口见入面都几多人食就入左去。睇左set lunch menu ，选择都好多，跟餐配餐汤餐包，另可加$12有埋饮品及甜品。另外重会有是日午餐精选，配餐汤、餐包、饮品及棋子饼。 我地分别order 左一个set lunch 及是日精选。出餐速度快，order 完话咁快就黎餐包同餐汤。蒜蓉包好香，充满香浓的牛油香蒜味，面包烤到有少少脆身。餐汤有蘑菇汤同杂菜汤选，蘑菇汤每啖都食到粒粒碎蘑菇，饮到口感顺滑又重菇味。杂菜汤非常足料，酸甜味道足够。 肉眼扒配薯条($138) - 超大块肉汁丰富的肉眼扒，叫左七成熟，唔会过干过韧，薯条系热辣辣既粗薯条。红酒烩牛肋条伴意粉($82) - 个汁唔似红酒，不过牛肋条很淋，肉质松化软滑，有如炆牛腩一样。是日午餐包既奶黄棋子饼，甜味适中，馅中奶皇做得幼滑咸香。我地最后都加左$12要多杯饮品及甜品，甜品我选左心太软。佢地系用左特浓朱古力去整，唔会太甜，可以食到浓浓嘅流心朱古力，配埋红豆雪糕一冷一热，真系好正。