影片
更多
2018-09-09
84 浏览
同住新界西嘅朋友喺元朗逛逛下见到呢间西餐厅门口餐牌价钱唔贵，选择亦多就决定入去解决我哋嘅晚餐。呢间西餐厅唔算大，入面应该坐到大约三四十人，当时未到晚上七点所以唔洗等就可入座。室内设计不错，有小窗户又有灯饰，墙身油左舒服嘅浅蓝色，有屋企嘅感觉：）我地拣左一个沙律，一个薄饼同一个扒餐。呢度所有扒，薄饼，饭同意粉嘅价钱都包饮品，餐汤同蒜蓉包。主食都有差不多三十个选择。本来想试慢煮美国牛肋骨，但店员话呢个餐要预先打电话订，另外西班牙BB猪都要订。最后我地就拣左美国安格斯西冷扒，马巴薄饼同烟三文鱼凯撒沙律。首先一人一个餐汤同蒜蓉包卖相好吸引我嘅南瓜汤几甜但唔讲系南瓜汤就唔系几饮得出。朋友饮嘅磨菇汤味道较好。而蒜蓉包就松软而且唔会过油。烟三文鱼沙律都有六七片三文鱼，好足料。仲有啲芝士丝，沙律菜亦新鲜香甜，唔错！主食嘅西冷牛扒原来都配有好多沙律菜，好钟意个薯蓉配菜，份量唔少而家入面仲咬到一粒粒薯仔，味道亦调得刚好，冇过咸而抢咗薯仔味。下次可以试埋佢啲薯条。牛扒以呢个价钱嚟讲算系唔错，筋位不多，肥位亦唔会过多。虽然唔觉得有安格斯味，但牛味亦浓郁。巴马薄饼几好食，上面有啲酸酱，几得意。每一件薄饼都有一片
呢间西餐厅唔算大，入面应该坐到大约三四十人，当时未到晚上七点所以唔洗等就可入座。室内设计不错，有小窗户又有灯饰，墙身油左舒服嘅浅蓝色，有屋企嘅感觉：）
我地拣左一个沙律，一个薄饼同一个扒餐。呢度所有扒，薄饼，饭同意粉嘅价钱都包饮品，餐汤同蒜蓉包。主食都有差不多三十个选择。
本来想试慢煮美国牛肋骨，但店员话呢个餐要预先打电话订，另外西班牙BB猪都要订。最后我地就拣左美国安格斯西冷扒，马巴薄饼同烟三文鱼凯撒沙律。首先一人一个餐汤同蒜蓉包
卖相好吸引
我嘅南瓜汤几甜但唔讲系南瓜汤就唔系几饮得出。朋友饮嘅磨菇汤味道较好。而蒜蓉包就松软而且唔会过油。
烟三文鱼沙律都有六七片三文鱼，好足料。仲有啲芝士丝，沙律菜亦新鲜香甜，唔错！
主食嘅西冷牛扒原来都配有好多沙律菜，好钟意个薯蓉配菜，份量唔少而家入面仲咬到一粒粒薯仔，味道亦调得刚好，冇过咸而抢咗薯仔味。下次可以试埋佢啲薯条。牛扒以呢个价钱嚟讲算系唔错，筋位不多，肥位亦唔会过多。虽然唔觉得有安格斯味，但牛味亦浓郁。
巴马薄饼几好食，上面有啲酸酱，几得意。每一件薄饼都有一片大大嘅巴马火腿，亦都系唔错，唔会太靭咬不开。薄饼系薄身好似饼干咁，硬左少少，如果可以再松脆少少呢个薄饼我就会再畀高分啲。
两个餐都可以拣一啲特色饮品唔洗加钱，我地叫左薄荷朱古力同鲜奶抹茶。餐饮嚟讲真系算味道唔错。
下次会想试下午餐同佢啲意大利饭
张贴
