和味餐室

营业中

休息中

见新开左间餐厅装修几好，又好多人食所以去试下，点知。。。入到去成个隔局同menu既设计同瑞士冰室好似，但系呢度枱同枱之间比较窄，我坐𠮶个位行入去都有啲难度。讲返食物，我地点左芝士磨菇酿鸡翼配牛油多士同埋干炒猪扒一丁。个多士几好食，芝士磨菇酿鸡翼有三只但系啲鸡翼好细只。另外干炒猪扒一丁，个一丁都唔系出前一丁嚟嘅，只系普通公仔面，虽然都有啲镬气但系好咸。跟餐叫咗两杯冻柠茶但系觉得茶味唔够，普普通通啦。我哋两个人埋单$84，但呢个系下午茶，如果咁嘅价钱咁嘅质素仲要等位有啲唔抵。