影片
更多
2018-10-22
522 浏览
近年，香港兴起左各式各样嘅台式火锅，自己都系爱好者，特登约咗住马鞍山嘅朋友，去We Go Mall 养心殿试下。We Go Mall 平日好少人，食肆都偏少人，反而养心殿算7，8成full，建议周末都系book位。讲返食物方面，打边炉最紧要系汤底，除左台式火锅一般有嘅麻辣锅，酸菜白肉锅，依度主打几款特式养生锅，包括有中药+乌鸡+鲜鱼嘅宁神养心锅，姜母鸡锅，有核胶+乌鸡+南枣嘅美人锅❤，同中药+乌鸡嘅养生锅。我地最终拣左养心+美人锅鸳鸯锅（唔洗加钱一定拣两款喇！）。见佢fb 打卡有饮品送，我地即时打左，送咸柠7同酸梅汤各一。食物方面我地无拣到海鲜，牛肉，拣左即炸脆响铃，黑松露虾丸，自家制极品水饺，紫准山面，鸭血，水莲（每日飞机直送）。本身谂住叫完一转再叫其他，点知原来个汤底本身实在好足料，养心+美人锅鸳鸯锅本身都有乌鸡，养心再加埋鱼，我地两个都算大食，但都好够饱。个汤底黎到，真系好香，职员有提醒汤滚左先饮左汤，之后先落其他火锅料。养心锅奶白色嘅鱼汤底，加埋天麻当归同乌鸡，好香甜。美人锅有好补嘅核胶同南枣，加埋乌鸡，汤底好清甜。要提一点系乌鸡好嫩滑，我地两个系清晒所有嘅鸡肉。响铃因为即炸所
讲返食物方面，打边炉最紧要系汤底，除左台式火锅一般有嘅麻辣锅，酸菜白肉锅，依度主打几款特式养生锅，包括有中药+乌鸡+鲜鱼嘅宁神养心锅，姜母鸡锅，有核胶+乌鸡+南枣嘅美人锅❤，同中药+乌鸡嘅养生锅。我地最终拣左养心+美人锅鸳鸯锅（唔洗加钱一定拣两款喇！）。
见佢fb 打卡有饮品送，我地即时打左，送咸柠7同酸梅汤各一。
食物方面我地无拣到海鲜，牛肉，拣左即炸脆响铃，黑松露虾丸，自家制极品水饺，紫准山面，鸭血，水莲（每日飞机直送）。本身谂住叫完一转再叫其他，点知原来个汤底本身实在好足料，养心+美人锅鸳鸯锅本身都有乌鸡，养心再加埋鱼，我地两个都算大食，但都好够饱。
个汤底黎到，真系好香，职员有提醒汤滚左先饮左汤，之后先落其他火锅料。养心锅奶白色嘅鱼汤底，加埋天麻当归同乌鸡，好香甜。
美人锅有好补嘅核胶同南枣，加埋乌鸡，汤底好清甜。要提一点系乌鸡好嫩滑，我地两个系清晒所有嘅鸡肉。
响铃因为即炸所以系好食嘅
自家制水饺入面有大大只虾，诚意之作
鸭血个人认为一般般，始终唔够台湾嘅咁好食
紫准山面算有特式，唔想咁heavy 系一个好选择。
今晚推介之选系台湾直送水莲（香港好少有得食），职员好细心咁比把剪刀我地✂，建议我地剪成手指咁长嘅长度，然后用个网滚10秒就食得，好有台湾嘅味道！虽然喺香港食唔平，依度就要$88，但真系物有所值，下次想试埋台湾A菜。
仲有好多调味料可以选择，但我觉得汤底好够，所以唔用都好好味。
仲有好多海鲜可以选择，但得两个人就无叫
忘记提一提，餐厅环境唔错，暗暗地同埋有屏风分隔d table, 似足台湾有私隐度，值得一赞！
张贴
