壽記海鮮酒家

营业中

休息中

唔知点解觉得去离岛就一定要食海鲜，平时去亲长洲都会，所以今次去南丫岛都特登揾间海鲜黎食下。入到去先发现原来同长洲既价钱差天共地，不过既然都入左黎，就姑且试下啦。其实个menu都无咩用，纯粹比你知餐厅有咩食，因为海鲜大部分都写时价。鲍鱼仔最少要叫4只，$40一只，我地得2个人话怕食唔晒，佢竟然同我讲系好细只，唔怕。但最后因为都唔知可以叫咩，所以觉得贵既情况下都叫左。同佢所讲既一样，系好细只，真系好贵。蟹肉蛋白汤系完全无味，唯有自己加胡椒粉。所谓的蟹肉一大锅讲紧得几粒，其实全部都系得蛋白。蒜茸粉丝蒸扇贝叫做正常，扇贝偏细粒，但都系贵。最估唔到最好食系碟鸡，虽然个卖相不太好，但鸡肉嫩滑，d菜吸收晒鸡既味道。总括而言，食物好一般之余，价钱系贵到好唔合理，唔会再系南丫岛食海鲜。