Next Door Cafe & Bar (已結業)

知道利园三期新开唔少餐厅，落雨天唔想四围行，就㨂左呢间试下。下午两点到，都重系全部满座，坐左阵吧枱先可以再转去大枱。 我地要左两个set，无㨂沙律，要左daily soup mushroom chowder。以午餐计，又唔包野饮，再加多杯咖啡，每人平均$200，算系偏贵。个周打汤无chowder嘅浓郁⋯似系vegetable stock多啲…可能我钟意杰啲，如果加多啲薯仔再打会比较好。主菜Chicken Pasta用cream sauce，个人觉得鸡肉煎得金黄，几好味，不过就油左少少，最好可以吸一吸先…意粉系al dente，所以如果食开港式口味，就可能唔太惯啦 .Sole Fillet味道偏咸，同样比较多油…觉得如果配返个清少少既酱会好啲…因为鱼下面啲菜吸晒啲油，本来谂住食多啲菜健康啲，都唔敢食。服务方面系值得赞赏，waiter都好主动同细心。但当日由落单到上菜，都等左半个钟…希望可以加以改善。