芽莊越式料理 (新城市廣場) (已結業)

今日收工约左家姐响新城市shopping💸，顺便等埋男朋友收工过黎一齐食d野先返屋企🏠。经过芽庄见到都几多人，侍应又见我地一袋二袋🛍，话可以安排到卡位俾我地，所以就入黎试下😅。我地叫左两个小食另外每人一碗粉，落单时，侍应哥哥好细心地话汤粉既汤底成份有牛肉🐂，咁岩家姐唔食牛，所以要转食捞檬，抵赞👍🏼！虽然今餐有一两样食物既味道争咁d，但环境同服务都👍🏼，所以下次想食越南野都会再来😊！炸软壳蟹🦀$128: 有两只，热辣辣炸得好香好味👍🏼！河内鱼🐟饼$78: 推介💯！出奇地好食😋！份量大旧之外，有d越南香料好惹味，鱼肉劲弹牙，不过小心有鱼骨😬河内生牛肉+爽腩粉🍲$86: 河粉劲多，汤底🥣都好味。但略嫌牛肉有点韧，牛腩唔够爽😝。手切牛丸粉🍲$70: 牛丸真心好食😋👍🏼！但想问，点解唔系手打牛丸而系手切牛丸既😆？烧猪扒🐷捞檬$72: 家姐唔食牛所以叫左呢个，不过猪扒好韧又干，佢大部分都无食到😞。反而檬粉口感唔错的👌🏼。