TORIO喫茶部 (已結業)

朋友推介话观塘有呢间日式cafe，一齐上到去，真系好靓，当日得两位女侍应，大概6-8台客，有时行埋去收银台都冇人得闲。座位都几阔落，两人坐张四人枱，同隔离枱唔会太近。芝士南瓜鸡肉多士好juicy，个南瓜蓉相当多，最面层加块芝士烘到香喷喷。另外个牛油果鸡肉三文治相当香脆，我本身唔系好食牛油果都觉得好好味，鸡肉整得好香滑！香橙朱古力smoothie打得好幼细，出面好少见呢款饮品，朱古力好香浓，同淡淡香橙味好夹。水果pancake塔好丰富，每一块pancake都够share到啲水果，pancake烘到微微香脆。