十字冰室 (禮頓道)

营业中

休息中

最近利行开礼顿道见到有间十字奶都开左间冰室，梗系去试下啦～位于保良局个条街附近，唔算吊脚。冰室既装潢都跟足番传统冰室设计，砖墙既外墙，纸皮石既地板不禁令我回想番以前系黄竹坑村既儿时岁月！坐底后我已经心中有数，知道叫咩野～当然都有新菜式尝试！虾多士　虾多士好多地方都炸到好油，一系好硬～呢次个虾多士就馅料好足，炸出黎唔多油，都唔太辣口，颜色金黄，唔错既！食落口好满足！瑞士全鸡翼　鸡翼肉嫩但唔油腻，瑞士汁都几浓烈，甜而不腻，肉质唔痴牙，虽则系冰室，但系今日个鸡翼的确做到酒家级数ＸＯ酱炒肠粉　ＸＯ酱味道浓厚，辣味带少许。不过肠粉中有蛋丝中和辛辣味道～唔算油腻。肠粉都几滑溜，唔会实的的咁，整理都唔错～木瓜奶昔　奶味重绝对系是理想当然，因为十字牌在本地鲜奶品牌中算系知名，所以质素当然有番咁上下～整理系服务上，食物上都各有千秋，有创新菜式，希望我下次再去既时候有更多既尝试！