茂一茂 (已結業)

南丰纱厂12月开幕，多野睇之余，亦有唔少食店（不过目前开张的好几间都主打咖啡店），当中包括呢间——来自九龙城老牌糖水舖地茂馆的分支「茂一茂」。唔知系唔系想食粤语「蹲一蹲」的意思？由于肚饿，所以叫左份松露炒蛋啡菇配多士。唔系脆身的牛油多士，不过夹炒蛋食又几好。黑松露炒蛋够松露味，啡菇都好味。以甜品舖小食来讲，有80分。另外，当然叫左两个招牌甜品，包括生磨蛋白杏仁茶，用ikea大玻璃杯上台，走年青路线架啦，好足杏仁味；另一个系杏仁糊，用返传统瓷碗上台，呢个有更浓的果仁糊味道，正。周末行一转南丰纱厂，帮衬间传统小店，呢件事的确好啱各位文青。