宏 (已搬遷) 新店位置

平时最钟意食抹茶野！对甜品完全无抵抗力，见到店外既甜品柜已经忍唔住想去试～餐厅除左散叫，仲有唔同既set包主食+饮品+卷蛋，可以一次过试哂我想食既野～迷三彩丼定食Set既选择都好多，鳗鱼饭好似都几吸引，但又想试下其他口味，所以最后叫左个三彩丼，迷你鳗鱼丼、吞拿鱼蓉丼、乌冬。鳗鱼丼虽然细细份但都几饱肚，吞拿鱼丼鱼蓉非常幼滑，份量适中。日本野菜天妇罗冷海藻乌冬而朋友叫左个野菜天妇罗冷乌冬，乌冬口感刚刚好，不会太软或太硬，仲有淡淡荞麦香。而我同朋友都分别点左抹茶蛋卷同士多啤梨卷蛋。听闻呢间餐厅抹茶卷蛋非常出名，一食果然唔错啵，抹茶忌廉香滑，加上蛋糕有都有阵阵抹茶香口感松软。估唔到士多啤梨卷蛋都做得好好食呀，唔会比抹茶卷蛋逊色，因为忌廉奶味浓，卷蛋蛋糕嘅蛋香更重。食完两个set同朋友都忍唔住叫多左2个甜品～抹茶软雪糕芭菲抹茶味软雪糕，旁边有白玉丸子、抹茶啫喱、红豆，底层有脆卜卜既杏仁脆片～牛奶软雪糕芭菲牛奶味雪糕重奶味～有不同水果作点缀，旁边有蝴蝶酥，底层都有杏仁脆片～食左咁多野，满足！