越滿 (已結業)

系附近买完花，又到开餐时间，行下行下见到呢间越南餐厅，心谂食碗汤河都好㖞，时间尚早未有太多人，仲可以有卡位坐!餐单上提供各式汤河/捞檬/饭类/烧烤类/小食及饮品，价钱都大众化黎得食越南菜，最简单方便系叫个汤河/檬，今晚系牛同鸡各一客呢碗海防蕃茄牛肩胛肉汤檬 ($76)，鲜茄汤底，蕃茄加埋洋葱及芽菜，味道却有点儿似龙虾汤，几特别!牛肩胛肉无半点脂肪，仍然略带生度，浸于热汤内再熟D，而檬粉与我地平时所接触嘅有D唔同，外貌似米分但食入口顺滑!呢碗咁清嘅就系越满手撕鸡汤檬 ($65)，清汤底加入洋葱及芽菜，鸡丝及檬粉一眼望晒!惯常先饮啖汤，味道几清甜，喜欢加入醋汁一齐食，更见风味!  鸡肉丝有点嚼口，配合顺滑檬粉，两种口感!见到墙上贴住介绍越式香芧鸡煲 ($158/2人份)，见天气又忽然落雨兼冻返，一于试下先火炉同鸡煲一齐送上，仲有一客生菜比你烚黎食，二人份量都几对眼，材料除左鸡件外，仲有芫茜洋葱，娃娃菜及鸡肶菇滚返起就食得，味道带点微辣，多一份甜味之余又有淡淡嘅香芧味，无传统鸡煲咁油腻惹味酱汁渗入鸡肉内，热辣辣都几好味!叫多个小食送汤檬，呢客越式炸春卷 ($43)，一客两条分成4旧春卷皮炸至