Bellevue Bar and Grill (已結業)

今日订左尼间位于旺角的Bellevue bar & restaurant. 尼间除左食物外，仲有食景同食气氛。好浪漫。岩晒同老公一齐去。今日我同老公拍拖仔一齐去尼间甘浪漫既餐厅食饭。我地叫左4样食物：汤叫左「龙虾浓汤伴烟肉海鲜云吞」，前菜叫左「脆炸香草田螺配白菌」，主菜叫左「烤白鸽胸伴牛肝菌意大利饭」和「烤银鳕鱼扒」。首先讲左一碗「龙虾浓汤伴烟肉海鲜云吞」，间餐厅service 真系好好。佢主动帮我地分开两碗。值得赞！！而龙虾🦞汤摆设真系好靓！一口饮落去，有好浓郁既龙虾味。啖啖龙虾鲜味溶入口中。而旁边既云吞好脆口。另外，前菜「脆炸香草田螺配白菌」，尼个口感脆脆的，内面有白菌菇同田螺。味道普通，无咩特别。第三，主菜「烤白鸽胸伴牛肝菌意大利饭」，白鸽肉嫰多汁，好味道。另外，牛肝菌意大利饭真系好好味，尼个值得推荐。👍👍👍另外一道主菜，烤银鳕鱼扒🐟。银鳕鱼既皮烤得脆脆的。而银鳕鱼肉嫰。好味道！！❤️❤️整晚食得好开心好浪漫。