木津 (已結業)

今曰去左旺角哩间日式餐厅，哩到装修极具日式风格，店内中央位置放左棵樱花树装饰，再加上木纹为主设计，令环境相当温暖舒适。食物种类相当多，饭、面、小食、串烧同刺身系哩到都可以食到。今日就试左款乌冬，鱼生丼饭同串烧，味道非常好，值得推介。上菜速度唔算快，不过啲食物食得出系即叫即烧既，所以等一阵完全唔系问题。先黎既系鱼生饭，哩款三色丼饭有三文鱼、带子同甜虾。望落鱼生都有光泽，味道鲜甜，够新鲜。鱼生完全幅盖饭面，份量一啲都唔少。哩个照烧鸡扒猪骨汤乌冬有惊喜。特别系佢个猪骨汤底，清甜得黎一啲都唔咸，无味精。乌冬面质烟韧，有口感。鸡扒煎到外皮微脆，厚砌鸡扒肉质够嫰。串烧我地拣左鸡翼、鸡皮同鸡软骨。三款当中我最钟意系鸡皮串烧，鸡皮脆脆地，十级美味。其他都唔错，个酱汁调得出色。饮品唔算好多，不过果汁、汽水，酒类都有得选择。