雲桂香米線專門店 (已結業)

赶时间去食咗个晚餐就有嘢做，所以是但求其拣左一间连锁米线铺头，谂住可以好快咁填饱个肚。呢度位置都几多，所以好松动。一入到黎就有位可以随便坐，我哋两个人都可以坐四人枱。我哋结果叫咗一个凉拌米线同港式米线。𠮶凉拌米线就叫咗燕皮肉饺，而另一个港式米线就叫咗墨鱼丸。都唔使等太耐，大约10分钟，啲嘢食就上到嚟啦，果然系赶时间嘅好选择。呢一个凉拌米线其实佢除咗有米线之外，仲有少少炸酱，所以会有少少辣，但系唔系太辣，可以接受到。至于个饺子真系唔多掂。🤢唔知系咪冇煮熟，或者根本冇煮过。四只饺子入边，四只都系唔熟嘅，好硬，硬到敲落张枱度会有声😓个港式米线就普普通通啦，不过不失。啲墨鱼丸都算弹牙嘅，咬落去唔重雪藏味，为求快趣，要求都唔系好多，起码系熟嘅🤗。