元朗冰室

营业中

休息中

元朗冰室喺新都城3期开咗间分店，网上群组都有好多评价唔错，松厚又唔鞋嘅猪扒，真系听到都即刻想试。除咗每人叫咗个主食仲叫咗1份小食1个下午茶餐，餐厅卡座多，坐得几舒适，食物质素几好，整体感觉唔错。炸鸡脾，唔算大只，几入味，外脆内热，大部份肉都几嫩滑。冰室一口西多士，炼奶同朱古力酱但出奇唔系劲甜。焗意式厚猪扒意粉，虽然颜色唔鲜红，味道唔算淡，菠萝亦几甜，切好嘅厚身猪扒啖啖肉。厚猪扒乌冬，乌冬就一般，猪扒够厚身，唔系腌到好软𠮶种，保留到猪扒嘅口感。Double猪扒饭，每块厚薄适中，一块鞋咗少少，一块较松软，两块都好味，豉油要续少落，有啲咸。浓汤配猪软骨拉面，拉面就一般，四件猪软炆得又淋又入味，半只半熟蛋，汤都够味。三杯分别系奶茶，阿华田，儿童鸳鸯(阿华田加好立克)，不过儿童鸳鸯只有阿华田味。红豆冰好多豆。