Infinity Workshop Cafe (已結業)

同朋友约食晚饭，揾左呢间楼上cafe可以慢慢坐。黑松露油炒鲜带子虎虾意粉 - 虎虾开左边，而且爽口弹牙，意粉富弹劲。肥美既带子，厚实口感。all gold 炸物拼盘有蟹柳、春卷、虾多士、洋葱圈跟扭扭薯条，单凭色泽金黄既脆浆，已知系香口松脆之物。奶油芝士千层薯 - 忌廉混合薯蓉烤焗，质感幼细唔干。薯蓉披上丝丝芝士，「芝」味十足。招牌汉堡配粗薯条 - 汉堡好巨型劲有份量，无可能一口咬落去，要分开黎食。牛角包内有厚身既牛肉汉堡扒、烟肉、芝士、生菜、蕃茄和酱料。牛肉汉堡味道不错，烟肉煎得焦脆加分不少。薯条是粗条的炸得好香脆。Haagen Dazs 雪糕心太软 - 可以自选两款雪糕口味，我地要左个野莓雪葩及朱古力雪糕。切开心太软有朱古力浆慢慢流出嚟，野莓雪葩配心太软真系唔错，雪葩酸酸甜甜可以中和心太软内朱古力的甜度。