新麻蒲 BBQ (波斯富街) (已結業)

一直知有新麻蒲bbq，不过就开左咁耐以黎都未食过，今日收工后咁啱自己一个就决定试下一人独食韩烧。一个人当然要食烧肉满足自己，睇下餐牌决定牛同猪各点一碟。点完后店员首先送上前菜，前菜老有几多款色又全部都系蔬菜类可以减轻下独食烧肉既肥腻感。前菜有沙律，海带，泡菜，洋葱，豆芽，腌萝卜。沙律酱黄黄地带少少碎食落口先知原来沙律酱加左粟米蓉，第一次试咁既沙律酱配搭味道好清新香甜又唔会寡。新麻蒲秘制牛肋排上盘见到已经好吸引腌好左既牛肋排上仲有层酱汁系面光鲜，牛脂唔算多烧好后入口软淋多汁带甜香味，后来放系生菜包住黎食减底油腻感。猪护心肉系餐厅主打之一见到餐厅挂上既海报都系推护心肉，试左一啖后肉质口感弹牙唔会鞋口之余又易咬开，入口唔会太油，一个人都可以清晒。