養心殿台式養生鍋 (已搬遷) 新店位置

前几日同一大班朋友黎，其实未食之前已经久仰大名，好多人食过都话好，所以一于试下系咪真系咁好拉！我地book左夜晚8点，安排坐厨房隔离，虽然有点嘈，但碗碟碰撞都唔系问题，最大问题系隔离有两间K房，然后隔音唔太好，结果成餐饭都夹杂住别人既歌声，系有少少尴尬。讲完环境讲下食物，坐低左先知原来野食都几贵，除番开一粒丸要$12，吓亲大家。我地叫左一个麻辣锅同一个美人锅，汤底真系好足料，饮完个美人汤立即觉得成肚都系骨胶原，非常养生，而麻辣锅就认真几辣。我地叫既食物都好basic，都系丸啊，肥牛啊，金菇啊等等，值得一赞既系个乌冬好弹牙，不过准山面就麻麻地，好似普通上海面咁，同埋唔知佢系咪即叫即整，个准山面等左劲劲劲耐。最后想讲既系，呢间野既服务态度十分好，个个都好友善！总括而言，呢到既食物质素同服务态度都几好，不过价钱真系overpriced左，下次应该会等优惠时段再黎！