小王牛肉麵 (已結業)

Weekday中午系德福揾地方食饭唔系一件易事，见到呢间算是唔多人排就拎飞等下，等左10分钟左加就有位。逐样讲之前毛讲结论︰唔使试。五香牛肉干拌面牛肉好多筋，非常难咬，质感我觉得什至系呕心，味道奇怪。配菜系青瓜同洋葱，完全冇为个面加分因为唔夹。酱系一匙酸菜同一少少XO酱样有少少辣嘅酱，首先酱嘅份量完全唔够捞成个面，另外一D都唔惹味，成个面算得上难食。台式肉燥卤蛋饭一D都唔正宗嘅味道，完全唔香，味道唔好。一口盐酥鸡卖相系OK，应该系岩岩炸好，可惜粉太多，食落去直程觉得粉同肉份量好似5:5咁。洛神花山楂茶听个名已经大概有心里有底味道会系酸酸味味，不过一上台睇个颜色已经感觉不妙，个样完全就系一杯色素水。饮落果然系假甜，完全冇洛神花/山楂嘅天然口味。食左3款送同一杯野饮，全部差评。喺又要等，环境又唔系特别好嘅情况下实在俾唔到一个再试嘅理由。