The Stadium (已結業)

朋友拣既餐厅, 拣呢间系因为预佢可以坐得耐, 因为佢地方大, 入面系有snooker同可以睇波 (我地去既当日系播紧网球赛), 有酒饮, 应该好多客都坐好耐。点知佢果到既冷气劲冻! 系非常冻个种, 所以系坐得耐少少D野食好快就冻哂。我地叫左3个set dinner, 平均二百五蚊一个set, 包左餐汤忌廉汤同野饮。当日个set dinner menu系有青口既, 但点知order个时又冇,有D失望。叫左个烤猪膝, 配粟米同薯格。猪膝系劲硬, 我唔知系呢个部位系咁定系佢煮得唔好既问题。另一个系牛油果炸软壳蟹cream risotto, 一般般, 牛油果味煮左之后有D认唔到系牛油果既味。 最好食系呢个红酒汁牛肋骨, 个汁劲多, 所以上菜个时你只会见到黑色一大旧。佢旁边其实有D薯蓉，薯蓉好creamy, 应该系预左薯蓉可以配汁先比咁夕汁你既, 牛肋骨都好食既。overall我觉得食物一般而已, 如果系一大班人睇波+玩下snooker咁可能会觉得好D, 为左食野就唔洗encore。