影片
更多
2019-06-13
833 浏览
将军澳中心一间新开餐厅成为我第174篇食评，亦系第2次成为一间餐厅写嘅头一篇食评。餐厅由香港知名插画家麦雅端小姐打造以Chocolate Rain为主题，结合玩乐+艺术+餐饮的亲子餐厅。逢星期二至四以$180一位成人带同一位十岁以下小朋友喺特定时间享有两小时用餐以及小朋友于乐戏区玩乐。一入餐厅比我感觉系欢乐，开心，摆设，餐具，人手等细节位嘅安排都睇得出用心。食物亦好有惊喜，餐单由厨师安排，每日唔同，每上一道小食职员都会介绍，而且职员有提及到食物系由米芝莲三星厨师主理，卖相精致，味道真系十分唔错，我同另一位妈咪都有研究讨论食材。全程两个钟无闷场，影相打卡位好多，职员好倾又有礼，而且画家小姐亦有同客人倾计同打点餐厅。门口已经见到超大只Fatina充气公仔，场内两个区有精品，餐具购买。摆设同设计有特色，茶档及士多亦有旧港风味。小朋友多数一入场就冲去游戏区，游戏区分别有充气滑梯同波波池，滑梯下亦有垫软垫，十分安全。入游戏区前，职员会耐心同小朋友讲安全守则，消毒双手，全程亦会睇到实，家长可以入去游戏室陪同小朋友，影吓相或喺用餐区倾计，用餐。每张枱上都有小盆栽及颜色笔摆设。连票都好可爱。饮品可以选
门口已经见到超大只Fatina充气公仔，场内两个区有精品，餐具购买。
摆设同设计有特色，茶档及士多亦有旧港风味。
小朋友多数一入场就冲去游戏区，游戏区分别有充气滑梯同波波池，滑梯下亦有垫软垫，十分安全。入游戏区前，职员会耐心同小朋友讲安全守则，消毒双手，全程亦会睇到实，家长可以入去游戏室陪同小朋友，影吓相或喺用餐区倾计，用餐。
每张枱上都有小盆栽及颜色笔摆设。
连票都好可爱。
饮品可以选择果汁。
英式早餐茶同伯爵茶系免费，茶壶套装好别致，茶壶同茶杯可以合二为一，而职员亦十分贴心，加水时见太淡会主动换茶包。
马卡龙配芝麻酱，两个味好夹， 芝麻酱中和到马卡龙嘅甜，好味。
呢个甜品甜品食得又睇得，除咗盛载嘅器皿劲得意之外，个甜品连我小朋友咁嘴都成杯食晒，上面有块好好味嘅薄脆，下面系有蛋香味嘅幼滑忌廉，再加上唔同嘅饼干碎，口感丰富。
牛油曲奇，都唔错。
三文治，口味清新。
藜麦意大利饭，第一次食唔系用忌廉煮嘅意大饭，无咁漏，轻盈啲，饭里面有少少火腿，上面有脆口嘅鱼皮同多士粒，细细碗，好啱小朋友份量。
最后系水果茶一杯同埋一件士多啤梨蛋糕。
水果茶有两款水果，我只食到其中一款系洋梨，另外仲有两粒唔同口感，茶系偏少少甜，但加每粒唔同味唔同口感嘅配搭，好特别，呢个系我哋研究最耐嘅一样食物。
士多啤梨蛋糕嘅蛋糕松软，似戚风蛋糕口感。
如果小朋友钟意静态，场内职员亦会派发印有Fatina嘅图画比小朋友填颜色，亦可以喺小朋友玩嘅时候打发时间，好似我嘅杰作咁。
另外餐厅亦有提供个人及亲子工作坊服务，收费会按制作唔同嘅精品收费。
张贴
