Chroma Cafe + Kitchen (已結業)

观塘揾食记，知道观塘好多上楼嘅唔同餐厅，而且亦都开咗好多文青嘅cafe，呢间cafe好得意后面系好多卖唔同嘅颜料，而且颜料都有好多唔同选择，钟意画画嘅人真系好适合喺度买材料。另外，餐厅嘅前面就系好多唔同嘅座位，你可以当cafe咁坐，可以享受午餐。午餐非常之抵，大概七八十蚊左右。叫咗个带子意粉，带子都几大粒，而且几好食。意粉调味非常好，个酱汁好creamy，仲有啲菇做配菜。午餐仲包沙律，沙律菜新鲜，而且份量都唔少，另外仲有汤，汤都几好饮。估唔到仲有饮品及甜品，甜品虽然细细件，但系过下口瘾都不错。