饗和民 (萬宜大廈)

营业中

休息中

今日喺中环收工，约咗老婆去呢间新装修完嘅和飨民食晚饭。两个月前完成装修不过一直都未有机会过嚟试吓。装修完之后真系靓咗好多，感觉亦都比之前高尚。入门口嘅时候经过见到一个好大只写住宫崎和牛嘅牌，得老婆批准今晚可以食和牛!本身见到门口摆咗好多支日本清酒，可惜老婆只准食和牛不准我饮清酒睇完个餐牌叫咗100g宫崎和牛牛柳牛肉都几厚身嘅厨师帮我地整咗五成，分开咗八件。每一件都系入口即溶牛柳本身冇用调味料，可以选择跟蒜片或者点小小盐去食。不过感觉上最好嘅食法都系原汁原味去品尝。跟住再叫咗一个串烧拼，每一款都有一串等我可以试晒所有嘅嘢。青葱牛肉卷同埋烧鸡翼最好食。再追加左一份烧鱿鱼同埋牛油果软壳蟹卷。牛油果软壳蟹卷非常好味软壳蟹炸得好香脆，配清清地嘅牛油果一流。