黃金燒味 (已結業)

今日去完gym等朋友收工，大家都好肚饿，经过门口见到呢间烧味餐厅有好多烧味选择就入去试下。睇下餐牌(餐牌相)，连叉烧都有两款，又想食蒸鱼又想食烧味，最后就拣左二人套餐。先黎左碟鹅掌鹅翼同骨汤菜心，鹅掌鹅翼好有咬口，味道有D似白凤爪，不同之处系中间会多D肉食。菜心用骨汤浸熟，有D肉骨茶Feel。烧味方面就拣左乳猪拼烧鹅，乳猪皮脆惹味，烧鹅唔会有骚味，唔太油烧得好好，点埋个酱更加减到油腻感。蒸鱼方面叫左豉汁蒸仓鱼，贪佢少D骨，条鱼蒸得岩岩好，肉嫩好易夹起，条鱼都几大条。虽然都食到饱饱地，但见隔离枱枱都有叫肥脓腩叉，忍唔住都叫左碟试下，唔试唔知道，今晚既MVP原来就系呢碟特级叉烧，味道口感都系一流，唔怪得写住数量有限，售完即止，绝对系必叫之选。另外晚市点餐都有煲足5个钟既老火汤送埋，饮得出真材实料冇味精，仲要好大碗，顿时觉得个餐好抵！最后饱到不得了，湾仔区好多餐厅又贵又唔太好食，呢间真系叫高CP值，下次黎到一定要再叫肥脓腩叉！P.S. 怡姐(唔知有冇打错名)好热情待客，个个店员都同客有讲有笑，舖头充满住人情味，食都食得开心D。