籠太子點心專門店 (已結業)

突然好想食点心，openrice见到呢间野都几出名，所以专程过黎试下。呢到既餐牌好新奇有趣，好多野食睇完个名都唔知系咩，所以我地望住旁边个大拇指落单。先讲下呢个全场最贵既原只鲍鱼烧卖，虽然$28得两粒，不过货真价实，面头的确有只小鲍鱼，味道都唔错，几新鲜。然后叫左笼虾饺， 红油抄手，萝白糕，味道都还可以，无咩特别。甜品叫左个香芒沙律盏，呢个真系食到摸不著头脑，因为食黎食去都食唔到芒果，只有大量既苹果粒。流沙奶黄包正，热辣辣既包中间蛋浆涌流。雪山叉烧包都几得意，面头系菠萝包既皮，里面系叉烧包既馅。香滑反斗糕个名好有gimmick，味道有D似马拉糕。不是炸两几有惊喜，大家都估左好耐到底里面有无炸两，原来系肠粉皮包住一D菜同肉。最后叫左海皇芝士千丝卷，唔系好食得出有芝士味，好似食左一旧炸粉咁，麻麻地。整体黎讲，呢间野味道都OK，不过要小心嗌，最好叫番D多人推介既点心，以免中伏🤣