籠太子點心專門店 (已結業)

上星期試左呢間話拍得住添好運點心嘅食肆，試後覺得非常一般，去過一次唔會有下次。 首先入到去環境狹窄， 唔夠冷氣，食到出汗。 不過啲嘢食嚟得頗快。雞扎$26, 好細隻 ，個魚肚又幼又薄， 第一次食啲咁嘅雞扎。 鳳爪個顏色一般，味道ok，但係辣到食唔到。 蝦餃超細粒，$14一粒，啲蝦又唔爽。 腐皮卷薄到冇人有， 每條得一粒蝦， 細到好似一毫子， 一開二，得一邊有蝦食。 牛肉拿粉味重，一啲都唔軟熟。 蝦膠釀茄子，賣相好靚， 上面粒蝦膠細不特止， 煎到又乾又硬， 仲話係推介，簡直中伏。 仲有一款叫「不是炸兩」， 係腸粉包住啲唔知咩炸嘢 ， 裏面夠炸嘢油林林又有啲苦。反而個燒賣幾好食。最後想講， 店內 24個座位坐滿，全程得一個侍應， 落單出菜執枱埋單，一腳踢。之後各枱都出左餐，差唔多食完，有一位貌似老闆嘅男人從廚房出嚟， 撳一撳個收銀機望望， 跟住又入返去喇， 真係鄧呢位侍應辛苦，而家d 老闆真刻薄。

突然好想食點心，openrice見到呢間野都幾出名，所以專程過黎試下。呢到既餐牌好新奇有趣，好多野食睇完個名都唔知係咩，所以我地望住旁邊個大拇指落單。先講下呢個全場最貴既原隻鮑魚燒賣，雖然$28得兩粒，不過貨真價實，面頭的確有隻小鮑魚，味道都唔錯，幾新鮮。然後叫左籠蝦餃， 紅油抄手，蘿白糕，味道都還可以，無咩特別。甜品叫左個香芒沙律盞，呢個真係食到摸不著頭腦，因為食黎食去都食唔到芒果，只有大量既蘋果粒。流沙奶黃包正，熱辣辣既包中間蛋漿湧流。雪山叉燒包都幾得意，面頭係菠蘿包既皮，裡面係叉燒包既餡。香滑反斗糕個名好有gimmick，味道有D似馬拉糕。不是炸兩幾有驚喜，大家都估左好耐到底裡面有無炸兩，原來係腸粉皮包住一D菜同肉。最後叫左海皇芝士千絲卷，唔係好食得出有芝士味，好似食左一舊炸粉咁，麻麻地。整體黎講，呢間野味道都OK，不過要小心嗌，最好叫番D多人推介既點心，以免中伏🤣

近來點心太子聲勢頗盛，收集了二百多個「哈哈笑」，擴張至三間，大有成為點心專門店之皇的野心，威脅「添好運」培哥的點心王朝。我這個培哥決定微服私訪，初步分析是太子之名是形容太子港鐵站這飲食地圖版塊，它顛覆的對象是此店的「一點心」長龍店。長龍店未能吸納的人流匯集到此店，令此店站穩陣腳。「籠」寓意廣東點心，亦可解中式茶茗。我來最新的長沙灣分店，一嚐其出品，解開籠太子之謎。新店對比其他分店，十分簡陋，位置偏遠，在新入伙的蘇屋村旁，明顯是吸納這群新街坊，亦可見其選址有精心策略。餐單餐單有39款食品，比其他分店略減。與「一點心」則相若，多於「添好運」。其特色是有新派點心，對比上述兩名店，有其賣點。特色食品1「皮蛋牛肉腸」是此店有👍標誌食品。配搭有新意，份量甚多，此兩項正是力壓對手的雙拳。入口則覺分數不高，腸不滑，皮不薄，皮蛋味不濃，似有還無，起不到化學反應。特色食品2:「不是炸兩」是春風得意式腸粉，以脆米為餡。兩款同吃，成為真正的春風得意腸，更具特色，有牛肉之香，有炸米之脆。特色食品3真正第二款有新意的是「煎蝦膠釀茄子」，有👍標誌，份量甚多，汁液澎湃。釀上蝦膠俾人「抵食」感覺，質素接近不合格水平。十

之前去過太子總店食過一次籠太子覺得抵食又好味今日行過見到原來長沙灣開左新分店，咁岩有啲肚餓就入去幫襯下!!! 可能喺新店嘅關係款式冇總店咁多，不過特色嘅食物招牌菜當然無缺小原隻鮑魚燒賣 $28雖然賣相差小小，不過好味最緊要大大粒燒賣再配鮑魚仔，爽口彈牙藥膳雞腳雞腳都幾入味，藥膳味唔算太濃，$20非常抵食紅油抄手 $23粒粒都好大粒帶小小辣味，唔會太辣/太咸，調味啱啱好，咬落又夠彈牙翡翠帶子腸 $24外皮唔算薄，不過夠滑，裏面包住一小片帶子&翠玉瓜

是晚下著毛毛雨，到了附近的商場逛逛，之後朋友帶左我黎呢間點心舖飲夜茶，位置有點偏遠，不熟識這一帶似乎有點難找呢。小店只有大約三十個位置，有點迫，過下點心引是不錯啦。枱上有豉油，醋，辣椒醬等，方便自行調味。茶位（$3）小店只收茶錢不用加一的，提供的茶較特別，是日式玄米茶，茶香又夠滾，好飲。煎蝦膠釀茄子（$18）呢個煎釀茄子似乎是鎮店之寶，幾乎每枱都叫啊。茄子半煎炸很香脆，蝦膠彈牙鮮味，確實好吃！多汁小籠包（$20）小籠包是厚皮那種，但多汁是沒有騙人，咬落爆汁肉嫩，也好吃。不是炸兩（$24）腸粉包著響鈴卷、鮮蝦、芹菜等，香脆有口感。翡翠帶子腸（$24）每一口都有一顆帶子，鮮甜爽口，熱辣辣好味道。鮮蝦腐皮卷（$21）略為油了點，但蝦肉爽口，腐皮脆口，加少少喼汁啱啱好。香滑反斗糕（$17）口感和味道都像馬拉糕，香甜軟滑，一客四顆不用爭。精選老火湯（$16）仲點左一人一碗例湯，店家標榜無味精的健康之選，試下先。是晚例湯是蟲草花煲豬骨，湯頭濃郁，飲完無口渴喎，正！四個人食飽飽，人均不用80元，好味又抵食啊！

空虛、寂寞、凍，當然要食野喇！籠太子在長沙灣開了分店，又多個地方食點心！籠太子蝦餃皇 $13有2粒，蝦肉大大粒，爽口彈牙，美味又抵食。黑椒金錢肚 $24爽口又入味，黑椒味重夠惹味。名醬蒸鳳爪 $19比起酒樓的大隻好多，又夠入味。香滑反斗糕 $17馬拉糕變奏版，迷你可愛，鬆軟可口，微甜。多汁小籠包 $20咬開有好多肉汁流出，配合新鮮豬肉餡好正。煎蝦膠釀茄子 $18熱騰騰上檯，蝦膠好彈牙，茄子香口，兩者配合得好好。精選老火湯 $16是日老火湯是蟲草花煲豬骨，好清甜滋潤，$16好抵。蜜汁叉燒腸 $22腸粉皮厚身但質感夠滑，叉燒餡都幾多，好味

黑椒金錢肚金錢肚夠爽口易咬，而且好入味，黑椒味最岩就係配金錢肚！！名醬蒸鳳爪藥膳雞腳呢個有少少台灣味道既感覺，湯入面有雞腳同豬肉可以食埋一份，味道較濃既藥膳味，可能因為無味精，帶點少苦但係完全係接受到既。黃沙潤腸幾好味，黃沙潤份量多，腸粉都幾彈牙。腸粉皮勝在夠滑。原隻鮑魚燒賣咁富貴既食法都係第一次係燒賣上面加左鮑魚，更顯高貴。皮蛋牛肉腸腸粉皮夠薄，牛肉味不錯，皮旦加碎牛肉都係第一次食，值得一讚，口感豐富之餘唔會太奇怪 

相約朋友來飲茶現在點心餐廳的質素比起茶樓有過之而無不及!!皮蛋瘦肉粥雖然係點心店，但係傳統係茶樓上點到既食物都可以係到叫到，呢個粥出奇既咁綿滑！唔錯唔錯籠太子蝦餃皇水晶蝦餃, 大大粒沒有痴埋在一起, 亦沒有一夾就爛, 吃下去蝦肉爽口好鮮味係蝦餃都幾大粒, 一啖都食唔哂。多汁小籠包小籠包，皮唔算薄透果種，但係真係好多汁同埋好JUICY唔會太乾煎蝦膠釀茄子茄子係炸過再淋上醬汁，這家的出品炸得很香脆，煎蝦啖啖肉加上茄子炸得鬆化，香口惹味，很推薦！鮮竹牛肉球棉花雞牛肉球、棉花雞都唔錯，都係熱騰騰新鮮出爐，味道自然唔會差。

幫朋友手搬走大沙發，碰巧天有不測風雲，又累又濕，朋友請食飯。一至五食得太多碟頭茶記，換個口味飲夜茶！廣東人以食為天，尤其是香港人，想吃什麼基本上早晚都可以吃到。這家籠太子，朋友說去過太子店，好吃的。一踏進店就看見空虛寂寞凍，濕到滴水的我們覺得身同感受（苦笑）剔紙仔形式下單，點心有傳統系亦有創意系。看到餐紙才知道原來自己好肚餓，迅雷不及掩耳已經點個滿桌。打頭陣有這個蝦膠釀茄子，非常不錯，茄子多肉多汁，而四邊煎至脆脆的！紅油抄手一份有五隻，抵食之選。紅油不辣，甜醋味濃。吃罷留低醬汁沾其他點心最好！嗜辣者可以試一試他們的自家製辣油，料多過油，落足料！我給它9.9分！傳統系列的鮮蝦菜苗餃（必點推介！），晶瑩的皮下面包著滿滿的菜苗和大蝦，看到它這麼飽滿，就看得出和連鎖茶樓的點心的分別。新派點心有很多款都很想試，這個忘了是甚麼名字，但記得它有芝士。外面的是加了芝士的炸麵，隱約吃到芝士的鹹香味，內裡是鮮蝦和冬菇。口感又如吃煎麵一樣，亦不算太油膩，賣相精緻。還點了蝦腸，新派display吃的方便了，但trade off就是一碟得五六件（苦笑）不過這裡的腸粉不錯的，起碼保證每一件都有一隻蝦，沒偷功減料，

Uncle話之前食過太子分店，見嚟度新開帶我試店在學校區，我哋下午茶時間來到，很少人，很幽靜，好舒服，方便傾計下單後，點心即叫即蒸，新鮮熱辣蝦餃流沙奶黃包上面是牛肉腸；下面是‘不是炸兩’，這腸粉好有特色，不面不是油炸鬼，是薄脆，值得一試鮑魚燒賣鮑魚燒賣鳳爪雞扎蒸排骨我哋兩個人叫左九碟連埋茶位，都不用$200，超抵，而且味道幾好Uncle話同太子店水準一樣好，而且這裡可能因為屋村新落成，所以暫時小心，未人多去多幾次另外這店有咖啡，奶茶，檸茶，檸水可供選擇，非常迎合本地人口味

同同事好想試試籠太子呢間點心店因為之前朋友在Facebook 都説好。所以就諗住試下況且我地都幾鍾意飲下茶，食下點心這天剛好在附近開會有個下午茶空檔，我同同事兩個便來到飲下午茶...本人喜愛食蝦餃，幾乎每次去都食！這蝦餃是傳統的大小...剛好一口一隻。蝦餃皮晶瑩透薄。蝦餃的饀料以蝦為主，口感爽口彈牙。然而蝦味淡淡然的。鮑魚燒賣。完隻鮑魚仔賣相很得意。一口一隻鮑魚，咬落有嚼勁燒賣的肉饀包得滿滿的食下比蝦餃更為鮮美。既有鮮蝦的鮮味，也有肉香和口感，味道唔錯喎。咸水角好味，但一定要襯熱食。外面甜甜地又有小小脆口。入面饀料份量剛剛好，食得好滿足另外我地叫左個鳳爪排骨飯。鳳爪有一隻開二。也很入味。排骨半肥瘦，味道一般般。飯有點硬。應該要再蒸多一會。總結食物的味道是不錯的還有其他有趣的點心未試有機會再來...

今日去完明愛醫院探朋友, 之後於附近點一籠點心專門店食晚餐, 我點了原隻鮑魚燒賣, 不是炸兩和家鄉咸水角。入到去見到空虛, 寂寞和凍的燈飾, 感覺好有喜感,原隻鮑魚燒賣食落鮑魚彈牙, 肉質鮮味, 食落口感十足；不是炸兩不要被名字嚇親,其實就是炸兩, 皮薄香滑, 內裡的油條炸得金黃香脆, 配上醬汁食落惹味, 整份炸兩食落爽口美味；最後家鄉咸水角炸得金黃香脆, 皮薄餡靚, 肉碎味道適中, 蔥花美味, 花生香脆, 食落口感大滿足。點心店食物美味, 由於是即叫即蒸, 所以食落熱辣辣, 口感美味, 而且座位舒適, 價錢合理, 食點心好去處。

The location of this dimsum joint is rather remote because it is located right on the corner of Cheung Sha Wan near the hospital where all the car mechanics are.There are two other branches of this in Prince Edward and Causeway Bay.The decor at this branch is slightly different to the other branches and the staff at this branch are young.The Menu is the same.My favourite item was the congee that night as it was made with dried fish and peanuts.You can find this congee everywhere but this one was

之前同同事喺太子食過一次呢間餐廳，已經覺得不錯。價錢抵食，又好味！今晚同朋友經開長沙灣就提議一再encore喇！飲茶當然唔少得蝦餃燒賣，呢度嘅蝦餃晶瑩剔透，蝦隻新鮮爽口，水準非常高！小籠包肉汁豐富，但小籠包皮略厚！鮑魚燒賣真係有原隻鮑魚係燒賣面頭，無論相機食先，定係味道都一流！蝦腸粉非常滑，蝦隻又夠爽彈，絕對必吃不棉花雞係我每次飲茶必點嘅點心！呢度嘅棉花比較爽口，我還是比較喜歡平日軟綿綿嘅「棉花」喇！海皇千絲芝士卷香脆鬆化，外層全是脆卜卜嘅麵條。內裡有蝦肉&冬菇，口感很豐富...但芝士味就唔突出！

店唔算大, 但開到好夜, 姐係去到11點幾都仲有點心食, 呢個真係開得好對我黎講,因為我成日工作到9:30PM後先食野, 好多店都準備收店, 搵唔到好野食好彩有呢間開到好夜! 又多個選擇!點心價錢就唔算貴既, 如果計晚市黎講, 平均都係十幾二十左右啦成間店無加一既, 所以唔算貴我中意食既係金錢肚, 佢本身味濃,醬入晒味嫁啦, 基本上好正牛肚新鮮程度差DD, 肉質唔係特別靚, 醬汁好味, 底層有D烏冬,烏冬本身都吸醬, 所以醬味濃既烏冬都十分好食, 仲可以加強飽肚度.小籠包比較我想像中好食, 皮黎講無出面上海店個D咁靚, 但係呢間夠平,二十蚊左右, 質素算唔錯, 湯都幾濃同埋夠熱食, 好好味.平得黎好食!蘿蔔糕算正常, 煎得幾靚, 圖都睇得出嫁啦, 份量三件都係合理RANGE,外皮脆, 入面香!腸粉夜間應該難keep個鮮度, 同埋難開爐, 所以呢d腸粉未必有幾他即叫即整咁樣既質素,但係整體黎講算係都幾軟身, 易入口, 口感唔錯整體黎講呢間野係價錢平, 味道算唔錯,一定會再黎,唯一壞處小小就係呢間分店真係好偏, 我都幾熟長沙灣 呢個位真係唔多人會黎, 仲要行到好近先見到有餐廳 前面比一個維