夏麵館 (荷里活廣場)

营业中

休息中

食过呢间好多次，连锁店得黎又维持到水准，最重要系服务态度好。今次两个人叫左五样野，包括美味海蜇，花雕醉鸡，麻酱拌面，桂花拉糕，酒酿丸子。海蜇好弹牙，好爽口，食到索索声，条条都好入味。碎鸡好重酒味，不过稍为苦左少少。拌面大赞，虽然佢无咩料，表面上只有花生酱同豉油，但唔知点解劲香，好想知佢仲落左咩酱料，面质劲有口感。桂花拉糕好烟韧，同平时既桂花糕唔一样，唔系晶莹剔透个种，有少少年糕feel，不过劲香桂花味。酒酿丸子又系劲香酒味，丸子细细粒，烟烟韧韧，甜甜地。如果想入黎食个饱肚既话，建议叫番粉面饭，食完一定巨饱，完全食唔落其他野。但如果纯粹口痕想食上海菜，建议叫下凉菜同甜品，细细份，每样都可以试少少！