港麵子 (已結業)

本来想黎食school food，行到过黎先知原来执左粒，转左间面店，于是胆粗粗试下新野。菜既款式唔多，主要系面食，有几种汤底拣，我地叫左一碗杂菜喇沙汤面同埋一碗担担面。两碗汤底都好吸引，喇沙汤够哂正宗，有香浓既椰奶味，担担汤都okay，不过无咩花生既香味，而两碗都唔算太辣。喇沙面既面底比较有口感，好似上海面，担担面既面比较幼细，好似线面，同平时食开既好唔同。不过喇沙面D𩠌就麻麻地，感觉有点hea，比左几旧好生既蕃茄，未煮林既白萝卜，同埋一条菇，唔系讲笑真系得一条。不过豆卜系几入味，吸收哂喇沙汤既精华。最后就系价钱公道，系德福广场黎讲四五十蚊一碗面都算几抵食，不过唔算太有特色，可以当食个快lunch。