王家沙 (已結業)

比想像中好食！食之前睇左好多食评，好多都讲到麻麻地，食物又差服务态度又差，搞到我都唔敢试，不过佢系个商场屹立不倒左咁多年，应该有原因既，所以就胆粗粗试下。星期日下午两三点，人不多，我地叫左四样野，包括王家沙担担面，姜汁汤丸，苏式鲜肉小笼包，流沙奶黄包。担担面味道唔错，唔会好浓味，面质都几有口感。姜汁汤丸等左劲耐，同埋$42得三粒，唔系好抵，味道一般，应该都系出面买番黎既汤丸。小笼包大赞，劲多汁，皮薄馅靓。奶黄包都好出色，中间个流心无止境地涌出黎，完全停唔到，个包都好软淑，好好味！整体黎讲，系又一城咁高档次既商场黎讲，价钱都算合道，味道还好，服务就一般，未至于其他人讲到咁差，不过唔算特别热情同友善，不过不失！