回到味來 (已結業)

系Facebook见到呢间野最近做紧promotion，五点至七点时段$98一位，一于试下。四条友五点左右就到左，一坐低先落左个鸡煲，叫左微辣。份量都几多，味道都唔错，但鸡肉就鞋左少少，有几旧得骨无肉。食完鸡煲就加清汤转打边炉，自己出去拎𩠌，menu上面写到劲吸引，点知出到去好多野都无，都系D基本既丸啊，肠啊，菜啊，公仔面啊等等，有肥牛不过卖相不是太好，而且离远闻到有怪味，所以无夹到。食物整体都算新鲜，起码D菜都算靓靓仔仔，无穿无烂。另外仲有串烧任叫，我地叫左烧卖，狮子狗，肠仔，午餐肉四种，烧卖几特别，外脆内软，其他就普普通通无咩特别。服务还可以，不过可能个阵太多客，人手唔太够，所以菜上得好慢，而且无咩人理我地。整体黎讲，食物质素还可以，无咩大惊喜，好似普通打边炉咁，不过呢个价钱黎讲都几合理。另外提提大家，$98另加一，再加$10酱汁费！