方太糕品舖 (已搬遷) 新店位置

之前同事曾经外买过方太嘅芝麻卷返去公司，上次食完芝麻卷真系觉得好香好好食，又唔会好甜。今次路过佐敦，特登行去上海街嘅方太想再试佢嘅芝麻卷，去到铺头嘅时候，已经净返最后两条黑芝麻卷，即刻买晒佢😂，再加一条白芝麻卷，铺头仲有得俾你拣剪开几多份。买咗三条已经满满一大盒，黑芝麻卷好滑，食完齿颊留香，入面仲加咗一粒粒白芝麻，味道亦唔会太甜。另外买咗白芝麻卷试食，白芝麻卷入面都好多白芝麻，不过就冇黑芝麻卷咁香。其实香港地少人多，铺租贵，而家手制糕点小食店买少见少。呢间小食店算系几出名，无线电视都采访过，有机会要多多支持下！😬希望呢啲手制糕点就唔会失传。