老闆火鍋冰室

营业中

休息中

粥座火锅食唔少，大部分都系九龙港岛，难得见到元朗有得食，就约咗朋友去试下，地点方便，加上冰室格局，坐得好舒服。套餐包两款固定海鲜，五款自选海鲜，同埋八款自选配料，最后就煮粥。非常丰富，食到我地好饱。海鲜有蟹、沙白、象拔蚌仔、虾、蛏子、鲍鱼等等，一个词语形容就系新鲜。蚬肉系胀卜卜，食落冇沙有海水咸鲜又有口感，唔会干扁嘅口感，好好食。象拔蚌仔好甜，弹牙但系咬落又爽脆，同佢一样嘅就系蛏子，唔系大只，但胜在新鲜。佢海鲜全部都十分高质量，我地已经幻想到个粥可以有几甜。之后嘅配料都唔差，花胶仔都有口感，墨鱼滑非常爽弹，加上鱼肚夹埋一齐系个新尝试。朋友中意个姜汁皮蛋贡丸，弹牙又特别。另外嘅菇类同菜类都甘甜，配嘅生菜加埋粥到就更开心。佢比咗南瓜同芋头份量非常的多，最尾嘅粥香甜可口。