饑落亭 (已結業)

中秋节弟弟提议一家人去饥落亭食团圆饭😀餐厅前身系沥源人气大排档陈根记，由冬菇亭搬到大埔地铺，地点虽然唔系喺正大街，但去果晚仍然座无虚席，门外仲有唔少人等位。节日关系，我同妈妈要食斋。职员好细心，上斋菜时会特意放近我同妈妈前面，上荤菜时就会放喺我貌似禽畜嘅弟弟前。有啲𩠌菜更会有两个version，好似蟹籽蛋皮福袋，佢另上一碟系纯素嘅👍🏻👍🏻食物方面，上汤浸雪耳莴笋丝同蛋皮福袋冇加好多调味，清清地反而食到食物原味，特别系莴笋好鲜甜爽脆😋南乳杂菜粉丝都好好食，杂菜同粉丝吸收哂南乳汁，但唔会咸得滞，我净食都👍🏻其实以上我已经饱，但屋企人仍然叫左碟罗汉斋炒面，真系想叫大嘥鬼过黎唱返首眼阔肚窄俾佢地听🙃不过话说回来，面煎得好脆，亦好挂汁👍🏻👍🏻荤菜方面，全部系我弟弟至爱嘅浓味嘢，蚝饼有剩我打包第二日食😅最后屋企人仲食埋佢哋嘅甜品杨枝甘露😅整体黎讲，新店无论野食、环境同服务都好好，难得一家人聚下，就算有人食斋有人食肉都照顾周到，希望下次唔食斋时再黎试😋