鳳雛燉雞

营业中

休息中

好似置身韩国！sky726呢栋野出名多野食，今日黎到10楼呢间韩国餐厅，夜晚人不多，六点半左右到，唔洗等位就入得。三个人叫左三样野，包括招牌芝士炖鸡，芝士鸡蛋卷，牛肉紫菜包饭。炖鸡真系无得输，劲足料，有鸡，冬粉，大量杂菜，例如红萝卜，薯仔，青瓜等等。个人比较中意个冬粉，吸哂D汁超好味，面头又有好多芝士，可以拉丝，净系食呢碟已经饱到呕。芝士鸡蛋卷都好出色，卖相一百分，蛋卷同D酱好夹，不过稍嫌头尾个两旧有D鞋，中间个几旧就比较滑。最后紫菜包饭都无令我失望，饭煲得岩岩好，唔会太淋或者太硬。个个都饱到郁唔到，食极仲有，所以性价比极高，食物相当有水准，老板或者店员都系韩国人。如果大家想食韩国菜，唔洗去韩国了，黎呢到拉！