娘惹廚房 (已結業)

平日中午有时都多人，但员工会先下单，让厨房整定先。餐厅坐位多，而且阔落。但餐厅出餐比较慢，要20-30分钟。喇沙汤底好足料，咩道好似系新加坡食的差唔多。面底有掺掺/米线/米粉等（掺掺系米粉加油面）。第一次，叫左个海鲜喇沙米线，个汤已经满足到我啦，有水准！D海鲜正正常常，分量都正常。另外，仲有自选𩠌菜的喇沙车仔面，自己选择。佢每日都有四至五款不同的特价餐。第二次食左海鲜炒饭，微辣，味道到位。入面肉同饭的比例一半一半，八爪鱼肉有手指尾一节甘大粒，所以都大方得体。唯独无伴菜，营养不太均衡，卖相都欠吸引～印尼咖啡有点奶香，唔太苦，无酸味，可以一试。饮品系跟餐午餐先有，单叫咖啡会价D。试左同事的峇峇抄饭（有牛柏叶），都好好食，味道偏甜，炒得几香口，饭保持小小湿。牛柏叶爽口加上软软的炒饭，口感加强左。整体食物质素都为中上，系地道的酱汁，但fusion左的配料，几特别又吸引。环境都好舒适，适合一大班人或者一家大细或者单人，因为佢地有十几人长枱，四人枱同窗边bar枱。