影片
更多
2020-01-07
1206 浏览
本身预咗出港岛行加食埋晚饭，点知无啦啦无得去😡，所以就喺屋企附近揾嘢食算。见未食过港味，之前行过又见到有人排队，就试下啦。等咗几张枱先入得，大约15分钟到啦。一入到去，店员就问我哋饮乜茶，之后先发现原来系每人俾茶包的，而唔系酒楼茶壶𠮶种，所以可以每人要唔同款的。我就同侍应换翻玄米茶包啦，佢系有帮我换，但就扔咗个茶包落我个碗到啰😑，O哂咀，劲无礼貌。唔理佢啦，睇下有乜食先，食物选择都几偏门，小菜同点心都有，但炒粉面饭就好少。另外，餐厅有做啲孖宝小菜推介，但其实以组合咁叫先平$4......，完全唔吸引😒。开始睇菜单、点菜时已经有啲嬲，因为张点餐纸俾人画过嘅，即系一个唔小心自己无为意无删走，店员随时入埋单，焗我哋食埋俾钱🙅🏻♂️🙅🏻♀️。有图为证，前后2版都有俾人画过，蜜椒鸡翼同埋松露藜麦蛋白炒饭，唔系我哋点的，所以我哋唯有连张相片都删埋去，唉🤯。我仲偷听到隔离台同一情况..。我哋本身叫咗5样嘢，但乳鸽无咗又唔出声，剩系放低张单见到无落到先估系。但后尾又听到店员有同隔离枱讲卖哂㖞，点解咁唔一视同仁㗎呢？虽然我估计系讲漏咗，但心底里有啲唔份气😤。四喜烤麸($28)，呢个小食系咁多样𩠌入面最正
本身预咗出港岛行加食埋晚饭，点知无啦啦无得去😡，所以就喺屋企附近揾嘢食算。见未食过港味，之前行过又见到有人排队，就试下啦。等咗几张枱先入得，大约15分钟到啦。一入到去，店员就问我哋饮乜茶，之后先发现原来系每人俾茶包的，而唔系酒楼茶壶𠮶种，所以可以每人要唔同款的。我就同侍应换翻玄米茶包啦，佢系有帮我换，但就扔咗个茶包落我个碗到啰😑，O哂咀，劲无礼貌。
唔理佢啦，睇下有乜食先，食物选择都几偏门，小菜同点心都有，但炒粉面饭就好少。另外，餐厅有做啲孖宝小菜推介，但其实以组合咁叫先平$4......，完全唔吸引😒。
开始睇菜单、点菜时已经有啲嬲，因为张点餐纸俾人画过嘅，即系一个唔小心自己无为意无删走，店员随时入埋单，焗我哋食埋俾钱🙅🏻♂️🙅🏻♀️。有图为证，前后2版都有俾人画过，蜜椒鸡翼同埋松露藜麦蛋白炒饭，唔系我哋点的，所以我哋唯有连张相片都删埋去，唉🤯。我仲偷听到隔离台同一情况..。
我哋本身叫咗5样嘢，但乳鸽无咗又唔出声，剩系放低张单见到无落到先估系。但后尾又听到店员有同隔离枱讲卖哂㖞，点解咁唔一视同仁㗎呢？虽然我估计系讲漏咗，但心底里有啲唔份气😤。
四喜烤麸
$28
29 浏览
0 赞好
0 留言
四喜烤麸($28)，呢个小食系咁多样𩠌入面最正常！小食份量嚟讲算多，豆干木耳甜甜酸酸几开胃，下面就有啲腌萝卜，唔错。
胡椒咸菜猪肚
$58
15 浏览
0 赞好
0 留言
胡椒咸菜猪肚($58)，呢个以锅上，味道正常，个汤无想像中咁酸，但亦唔够麻。扣分位系汤唔够热、猪肚比较韧同埋份量少。
榄角骨
$58
15 浏览
0 赞好
0 留言
榄角骨($58)，呢个系图文不符之作，餐牌张相啲骨边有咁黑㗎？我知道榄角系黑色，但都唔会成嚿骨都黑蚊蚊挂🤔？一上碟时热辣辣食𠮶2嚿都ok嘅，但一放耐咗层油咇哂出嚟，好肥腻，顶唔顺，而且有几嚿骨入面全部系肥膏。呀妈食完话唔舒服咗成晚🤢。
酥炸广岛蚝
$62
14 浏览
1 赞好
0 留言
酥炸广岛蚝($62)，呢个系终极大佬，上碟有6只炸蚝，外型炸到金黄色，但呀妈咬咗一啖吐都吐唔切，话入面完全唔熟，好腥🤮。虽然呀妈系唔食生蚝，但咬开咗我都闻到有几腥啰，傻的吗？我哋即刻无再掂另外𠮶5只，揾咗个侍应嚟同佢讲，佢都二话不说话唔好意思，换个碟俾我哋。不过再上碟后，嬲嬲猪嘅事情又发生喇...🤬。你话换过碟俾我，但实际系将𠮶5只剩返嘅拎去翻炸，ok，都无所谓，因为想入面只蚝熟翻啫，亦都唔想浪费食物。但有一只其实我哋系无食到、食唔到，放翻上碟，你系咪应该比翻完整一碟6只我呢？而家即系得翻5只，如果我哋系一行六人，咁咪有一个人无得食？不过我哋唔想好似啲奥客咁，所以无再出声了😥。
同场加映，就系连白饭🍚都出事，$15/1个，一啲都唔平啰，但你竟然大大嚿饭焦都好意思装俾我哋？你估依家食紧煲仔饭咩！有一个白饭直头有大半碗唔食得...，又干又硬。虽然我哋同侍应反映，佢都即刻话唔好意思，叫我哋等等新𠮶煲饭，再装过一碗俾我哋。但我哋已经失望咗，燥底咗。食嘅时候我都无谂住要打负评，所以无影到好多相，但真系愈谂愈嬲呀😣😤😩🤬😖😡😭！！！2020年第一餐嘅晚餐竟然有啲咁嘅体验...。
总括嚟讲，港味嘅食物味道、质素、份量、菜式选择、服务态度同专业都完全唔合格。我直头blacklist咗，一定无下次！依家食完唔饱，但又一肚气，仲搞到呀妈好劳气，唉👎🏻。我只能够讲成间餐厅最好就系个环境啰，餐枱够大，空间阔落，光光猛猛，目测就都几干净咁啰。但都系毫无悬念地要俾负评。完。
张贴
