黑麥 (已結業)

新一年到铜锣湾帮衬呢间食店，11:30去到已经排晒长龙，大概排咗个半钟，终于入座。店内环境因落地玻璃关系，好光猛同开扬，感觉都尚算舒服。四人行叫咗4个Set 分别系：-1. 辣肉肠长通粉 （亲友意见都几辣吓，其他一般。）2. 烩羊肉扁意粉 X 2 （羊肉味好浓，肉质嫩而唔黐牙，酱汁唔太咸，扁意粉略淋。份量对女士嚟讲系适中。）3. Egg Benedict 跟肉肠 (有沙律菜伴碟，半熟蛋下面有一片疑似炸过嘅烟肉，底下再垫上一片有提子干嘅麦包，上面淋上酸酸甜甜嘅荷兰酱。水煮半熟蛋略嫌熟咗啲，蛋黄唔够流芯，冇乜流出嚟嘅感觉，变咗黏黏口感。烟肉食落硬得嚟脆，冇㶶味。麦包麦味十足加上提子干比较湿润，香草肉肠煎得香香，唔错）随餐有；-青豆汤，豆味香但略稀。餐包有两款，一片片面包食落表面香脆内软。当日餐饮热咖啡☕️X 2、冻咖啡同牛奶咖啡斋饮唔加糖同奶饮就最能够品味到香浓。牛奶🥛好似一般冲咖啡嘅奶咁。服务方面好热诚，虽然好多客，但系都有耐性同冇出乱子。