泰濃麵 (樂道)

营业中

休息中

高质船面！同埋可以令人食饱既船面！平时食开既船面都好细碗，完全唔饱，但呢到既面比得好足，就算唔叫小食都可以食得饱！我地六点几左右到，人不多，唔洗等位。一人叫左一碗面，一份炸虾饼，一份泰式凤爪。面既汤底系冬荫公汤，好出色，好正宗，最意想不到既系佢会比埋配料，有一只虾，一只青口，一条蟹柳，一条秋葵，仲有好多菇，加埋D肥牛同金边粉，十足十一个火锅，抵哂！同埋每样野都好新鲜，虾仲要系未摵壳个种。个面都几有口感，吸哂碗汤既精华。如果大家食唔到辣，但又想食冬荫公，建议可以叫小辣，小辣完真系入到口。炸虾饼啖啖虾肉，好有满足感。旁边仲摆左炸虾片，好香好脆。泰式凤爪酸酸辣辣，好开胃，好适合做前菜。食完餐饭功满足，超级饱，又好味，推介比中意食泰国菜既你地！