泰拍耶

营业中

休息中

呢间野位于黄埔aeon底层，食完可以行去aeon买野，一举两得。我地两个人叫左巨多野食，超肚饿，包括酥炸皮蛋， 海鲜冬荫大头虾汤，马拉盏炒椰菜苗，菠萝炒饭。另外叫左两杯野饮，包括蝶豆花椰汁冰，同埋一杯热姜茶。碟碟卖相都好好睇，先讲下酥炸皮蛋，好有层次，最出面系一层面包糠，然后系一层类似鱼肉既物体，最后系皮蛋，相当香脆可口。大头虾汤好香好辣，唔食得辣既人就唔建议食，略嫌份量唔够多，得两只虾同几粒菇，不过虾相当大只，所以尚可接受。菠萝炒饭好多料，加埋猪肉松同腰果劲香。炒菜就不过不失，略嫌咸左少少，好重虾酱味。蝶豆花椰汁冰好香甜，解渴一流，食泰国菜必点饮料。姜茶好养生，超级辣，面头加左d泰国既香茅，多重味觉享受。每样菜都好有特色，系几高质既泰国菜，如果可以系味道上稍作调整，会更出色。