赤羽居酒屋 (已結業)

屯门其实真系有好多好嘢食，呢间绝对系值得一试再试！第一次黎嘅时候，仲觉得几贵，因为屯门井财街来讲，$50-$70既午餐的确比较贵。但系食完之后，就觉得性价比高，所以间唔中都会黎帮衬。呢个咖喱猪扒饭，系我其中一样最钟意食。睇相唔觉，实际上系一个好大嘅碟，份量系好多架！食过好几次，水准依然好好。咖喱味唔算浓或者太甜，衬托炸左嘅猪扒，完全突出到猪扒嘅鲜味同埋肉汁。而且猪扒嘅份量实在好多，每一次食都要分猪扒比其他朋友。除咗主餐之外，仲有一个汤同埋前菜沙律，都算唔错，以前仲有嘢饮㗎，不过而家饮品就要加钱啦。