地道館車仔麵

营业中

休息中

听讲呢间系黄店，当然要过黎支持下！夜晚7点几左右到，超超超多人，排左阵队，好彩D人食得快走得快。我叫左三个𩠌，包括墨丸，唐生菜，牛𦟌，米粉底，加腩汁。份量唔算太大，岩岩好食得饱，不过真系等左超超超耐，起码二十分钟以上，而且D𩠌唔系太热，可能真系太多客，煮唔切。味道都还好，墨丸几有口感，食到粒粒墨鱼肉，唐生菜就正正常常，牛𦟌腌得几有味，不过炆得唔够淋，韧左少少。汤底味道都唔错，唔重味精。整体黎讲间野都算okay，不过如果想维持咁多客人既话，靠黄店呢个生招牌真系唔够，要比多D心机系食物质素方面，加油！