中心點

营业中

休息中

創意點心！呢間野係慈雲山中心新開，街坊話味道都唔錯，一於趁呢排咁得閒過黎試下！我地下午茶時段黎，一入去就有位，唔太肚餓，叫左四樣野。首先出場既係南瓜桃膠西米露，外表一百分，用一個勁得意既盅裝住，令人食指大動。味道是不錯的，但稍嫌凍左少少，同預期中既熱辣辣出哂煙有D出入。然後係黑金流沙包，一定一定要趁熱食！凍左既話個蛋黃就唔識流心！聞落好香，食落去有好沙既感覺。珍菌濃湯鮮竹卷好入味，旁邊仲有好多菇，好清淡，好健康，中和左流沙包既膩。 最後一樣係京川滑餃子，初頭以為醬汁另上，所以唔怕辣，最多唔點醬，點知原來係撈埋一齊，所以食唔到辣既人要小心了。餃子皮薄餡靚，都幾好味。兩個人食左百幾蚊，都算抵，呢到既菜式都幾有創意，幾欣賞。