泰爸爸

营业中

休息中

听闻餐厅由泰国人主理，一于试下系咪有泰国风味先。天气凉凉地，本身想坐室外，不过落雨，虽然有野遮头，但感觉无咁爽，都系坐入面。常见泰国菜都有，价钱合理。样样小食都想试，一于黎个泰式拼盘，有炸虾饼、炸鱼饼、春卷、串烧鸡各两件，配埋甜辣酱（上）、沙嗲酱（中）、甜酸酱（下），店员建议虾饼可点甜辣酱，鱼饼就点甜酸酱，其他餐厅通常得一款甜辣酱，呢度就较讲究。三款炸物大大件，香脆唔油腻，而串烧鸡好嫩滑，唔柴皮，全部都好食。食通菜最怕就系炒到腍晒，好彩呢碟够镬气，咸香爽脆。烧鸡表面烧得刚好，皮香肉嫩，有肉汁，虽然香茅味唔突出，但配埋酸辣汁够晒惹味。金边粉卖相几靓，又大碟，虾虽然得三只唔算大只，但金边粉先系主角，味道同泰国食到ge差唔多，每条粉都岩岩好挂到汁唔会过多，够干身，正啊。茶香够，唔会甜到漏，平衡得唔错。好清新，椰香够浓，又唔会死甜。