The Night Market (又一城) (已結業)

食过呢间好多次，之前分享过一篇食评系讲圆方间分店，今次想讲下又一城分店。呢间野座落于又一城顶层，比自然光照住，好光猛，令成间餐厅感觉好舒适，影出黎既相都好好睇。今次我地叫左两个下午茶set，好抵食，$70-80左右就有小食，主菜，同饮品，两个人可以试到好多野。我地叫左手工水饺、牛肉面、酸菜鱼饭、元贝粟米羹，金桔柠檬，柠檬爱玉冬瓜茶。手工水饺大大只，好足馅，多菜少肉，岩哂我口味，两只已经好够食。牛肉面既面有少少似上海面个种，个人不太喜欢哈哈。牛肉好入味，不过蚊得唔够淋。酸菜鱼好正，鱼无咩骨，都几新鲜，唔腥，酸菜芽菜比得好足，个汤一流，饭系珍珠米。元贝粟米羹好结，食到一粒粒元贝，真材实料。至于饮品就麻麻，因为两杯都劲酸劲甜，两杯都无咩分别，下次一定要问下可唔可以走糖！不过整体黎讲，呢个地段呢个价钱食到呢个质素既野已经好满足！