滿屋日本料理 (已結業)

最近因为疫情，好耐冇机会食好嘢，今日心血来潮想食放题，我朋友就提议食满屋，感觉佢哋啲嘢食企理，食都食得安心啲。难得有自由，我梗系食晒我想食嘅嘢啦：1）海胆手卷：海胆新鲜鲜甜、紫菜够爽脆，水准好高。2） 吞拿鱼军舰：鱼质新鲜肥美，内外兼备！3）炸榴梿汤圆：内软外脆、榴梿味香浓，好想encore 啊～～4）烧日本紫薯：细细粒，又甜又有紫薯味！5）烧菠萝：超甜超多汁菠萝，一入口就感受到暖暖嘅菠萝汁，要encore!6）刺身：新鲜以及温度适中，特别系带子，肉质弹牙，正！7）清酒煮辣蚬：同平时食嘅清酒煮蚬唔同，几有特色。8）因为系放题同埋我感觉系「放监」，所以食咗嘅好嘢系不能尽录，只记得走之前食埋个朱古力同云呢拿雪糕,感觉好满足！