西貢松記車仔麵

营业中

休息中

今日专程入黎西贡觅食，意外发现呢间车仔面，地方比较隐闭，不太好找。门面好光鲜，环境几干净，坐得几舒服。我地三个人叫左几样野，包括一份细既猪手，一碗牛肚河，一碗韭菜鱼蛋幼面，一碗凉粉，一杯冻豆浆，同埋一杯热奶茶。逐样逐样讲拉！猪手真系超唔抵食，$70得3-4件，平均姐系要$15一旧，略嫌有点overpriced，个味系唔错既，不过蚊得唔够淋，硬得济，无乜牙力既人应该难D食到。牛肚河几正，大大碗，不过河粉好碎，但系牛肚蚊得够淋，同埋好入味，而且汤底唔错，有少少辣，味道浓郁。碗幼面就不过不失，汤底有D似豉油加水，份量有D细，好彩叫左加底，先岩岩好够食。碗凉粉最正，大减价$8一碗，食得出坚系用凉茶整出黎既凉粉，廿廿地苦苦地，配合甜甜地既花奶一流。两杯野饮都还好，奶茶有太兴的味道。整体黎讲，食物水准可以接受，但价钱就唔够平民化，有少少高档车仔面既感觉。