一杯屋

营业中

休息中

同fd很久冇一起出嚟食餐好嘅，佢跟我推荐咗呢间一杯屋，所以就过嚟试试，结果真畀咗我唔小嘅惊喜。餐厅位于铜锣湾澳门逸园，环境唔错，装修雅致，但系人唔系很多，可能因为依家系特殊时候。店员安排我哋坐下之后，先畀我哋两杯乳酸特饮，超级贴心~我点咗一份炭烤极上牛舌定食，我哋睇到师傅即场用炭火烧，端上嚟后发现份量唔小。呢份定食仲有汤、茶碗蒸、沙律同埋蛋黄淮山泥，味道唔错。不过最令我惊喜嘅仲系炭烧牛舌，我真系要称赞下师傅，炭火烧至刚刚好，有阵阵炭烧香味，牛舌仲非常有嚼劲 ，超级推荐！叹过呢餐美食后，下次要食日本野呢度就系我首选之处！