立体派拉麵 (棉登徑) (已結業)

作为一名健身教练, 首尝立体派拉面前晚系棉登径食野, 见到依条街间间餐厅都排哂队, 先知原来开左间立体派系度, 见佢中环店都好受欢迎, 上网睇下原来系冠军级拉面大师创立既! 一直想试又劲耐冇食过拉面,  , 即刻今晚就泥食!店内有普通二人座, 四人座, 或吧枱座, 不过太爆场冇得拣, 店员都安排左我地二人座位, 座位方面都系一贯拉面店, 小小既空间。海体酱油汤拉面海体酱油汤特别之处在于用左九款日本酱油, 多种贝类同埋鲣鱼熬制, 鲜味咸甜有齐哂, 配上厚厚既慢烧叉烧, 口感软腍, 肥膏位入口即化, 油脂香浓又JUICY, 好邪恶但又忍唔住一旧接一旧!鲭鱼汤香菇野菜海虾拉面依个汤头用左日本鲭鱼, 池鱼,大蚬浓缩成精油,再混和到鸡鸭汤中, 味道果然鲜味无比, 另外仲有大量香菇野菜,红椒丝同大葱等等,令成个汤更加鲜甜!  配上三大只冻虾, 虾肉结实弹牙, 用酒腌制过带住香浓酒味, 用鲜味汤头非常配衬!自家制饺子依度既辣椒油都系自家秘制,  香而不辣, 配煎得香脆既饺子更为惹味。面豉香葱黑豚腩肉猪肉油花分布平均, 油香丰富,  口感弹牙, 面头有少少面豉酱, 夹上葱丝一齐食, 绝配!